Башҡортостанда ҡояш һуғып 15 кеше, шул иҫәптән алты бала табиптарға мөрәжәғәт иткән

Был турала бөгөн һаулыҡ һаҡлау министрлығынан хәбәр иттеләр. Тиҙ ярҙам машинаһын саҡыртыу ҙа был көндәрҙә күпкә артҡан. Республикала быға тиклем булмаған хәл-ҡояштан тәне бешеүселәр ҙә бар. Был осорҙа, айырыуса, йөрәк сирлеләргә ҡыйынға тура килә. Табиптар уларға күләгәлә күберәк булырға кәңәш итә.