Башҡортостан менән Ырымбур өлкәһе хеҙмәттәшлек даирәләрен киңәйтә

Республика башлығы Ырымбур өлкәһе губернаторы менән осрашты. Радий Хәбиров менән Денис Паслерҙың осрашыуы Ырымбур ҡалаһында үтте. Етәкселәр төбәк-ара хеҙмәттәшлек мәсьәләләре тураһында фекер алышты. Ырымбур өлкәһе губернаторы Башҡортостан менән иҡтисад һәм социаль өлкәләрҙең төрлө даирәләрендә хеҙмәттәшлекте нығытыу мөмкинлектәрен барланы. Төбәктәр бөгөнгә транспорт һәм юл инфраструктураһын үҫтереүҙе бойомға ашыра.