Татарстанда полиция хеҙмәткәрҙәре ҙур юл-транспорт фажиғәһенең сәбәптәрен асыҡлай

Иҫегеҙгә төшөрәбеҙ, унда беҙҙең республиканың номерҙары менән Вольво маркалы автомобиль юғары тиҙлектә йөк машинаһы менән бәрелешкәйне. Һөҙөмтәлә, 5 кеше һәләк булған. Авария М-7 трассаһының 863-сө километрында теркәлде. Еңел автомобиль “Скания” маркалы фураның ҡаршыһына килеп сыҡҡан. Фажиғә йөк машинаһындағы видеорегистраторға теркәлгән. Яҡынса мәғлүмәттәр буйынса, “Вольво”ның водителе руль артында йоҡлап киткән. Авария сәбәптәре асыҡлана.