Өфөнән Минскиға тура авиарейс асылды

Әлегә һауа судноһы аҙнаһына бер тапҡыр, дүшәмбе оса. Рейстарҙы артабан арттырыу мәсьәләһе пассажирҙар ағымына ҡарап хәл ителәсәк. Төбәк етәксеһе Радий Хәбиров белдереүенсә, был Башҡортостандан атҡарылған берҙән-бер авиарейс түгел. Өфөнән әлеге ваҡытта Үзбәкстанға, Төркиәгә, Берләшкән ғәрәп әмирлектәре, Мысырға, Тайландҡа, яҡын сит илдәр — Әзербайжан, Әрмәнстан, Ҡаҙағстан, Ҡырғыҙстан һәм Тажикстанға ла осорға мөмкин. Киләсәктә Израиль менән Ҡытайға ла рейс асыу тураһында һүҙ бара.