Иглинда Данис Тикеев иҫтәлегенә волейбол ярышы үтте

Иглин районында Рәсәйҙең атҡаҙанған уҡытыусыһы, профессор Данис Тикеев иҫтәлегенә волейбол ярышы үтте. Унда Иглин мәктәптәренән биш мәктәп уҡыусылары, журналистар һәм уҡытыусылар йыйылма командаһы көс һынашты.Иглин районы үҙәгенең 4-се мәктәбе Данис Тикеев исемен йөрөтә. Арҙаҡлы ғалимдың исемен мәңгеләштереү ниәте менән мәктәп етәкселеге улы Марат Тикеевҡа мөрәжәғәт итә һәм яҡлау таба. Иптәштәрсә уйында журналистар йыйылма командаһы Иглин мәктәптәре уҡытыусыларынан тупланған мөғәллимдәр менән көс һынашты.