Башҡортостан юл селтәренең сифаты һәм хәүефһеҙлеген арттырырға кәрәк

Республика башлығы Радий Хәбиров ошо турала “Транспорт һәм төҙөлөш сәғәте” барышында белдерҙе. Быйыл төбәктә оҙонлоғо 218 саҡрымлыҡ 19 юлды һәм ауыл-ҡасабаларҙағы 16 урамды тәртипкә килтерергә кәрәк. Иң ҙур проекттарҙың береһе – Баймаҡ, Хәйбулла райондары аша уҙған Сибай-Аҡъяр трассаһы, шулай уҡ Стәрлетамаҡ – Раевка трактын яңыртыу. Был автомобиль юлдарына 16 йыл ремонт яһалғаны юҡ. Бәләбәй, Өфө, Асҡын, Яңауыл, Салауат райондарындағы юлдарға ла иғтибар етмәй, тиелде ултырышта.