Өфөлә ике ир полиция хеҙмәткәренә һөжүм иткән.
Яҡын арала тәфтишселәр уларҙы ҡайһы статья буйынса яуапҡа тарттырыу буйынса ҡарар ҡабул итәсәк. Был видеонан күренеүенсә, ир тәүҙә юл-патруль хеҙмәте инспекторын яғаһынан алып ергә йыға, һуңынан эткеләп тигәндәй машинаһына ултыртырға маташа. Полиция хеҙмәткәре был ваҡытта эш урынында була. Уға авария тураһында ҡағыҙҙар тултырғанда һөжүм итәләр. Әле тәртип боҙоусылар тәфтишселәр һорауҙарына яуап бирә.
