Башҡортостан менән Газпромдың хеҙмәттәшлеге дауам итәсәк

Компания ойошмаларының республика менән эшмәкәрлек йүнәлештәре ведомство-ара комиссия ултырышында билдәләнде. Компания республикаға үткән йылды ғына 34 миллиард һум инвестиция индергән. Радий Хәбиров белдереүенсә, Башҡортостанда социаль газификация өлкәһендә юғары күрһәткестәргә өлгәшелгән. 2021 йылдан башлап 32 мең ярым йорт-хужалыҡтарҙың сигенә газ еткерелгән, 47 мең йортто зәңгәр яғыулыҡҡа тоташтырыу тәьмин ителгән. Газификация һәм газификацияны тамамлау кеүек төп программанан тыш, яңы йүнәлештәр ҙә күҙ уңында тотола.«Газпром межрегионгаз» генераль директоры Сергей Густов Башҡортостан газ үткәреү йәһәтенән илдә иң юғары кимәлдәге төбәктәрҙең береһе, тип белдерҙе. Инвестицияларҙы икеләтә арттырыуға өлгәшелгән.