Рәсәйҙә тәҙрәләр етештереү талаптары үҙгәрҙе.
РОССТАНДАРТ йәғни Техник көйләү һәм метрология буйынса федераль агентлыҡ — яңы стандарттар ҡабул итте. Уға ярашлы, тәҙрәләрҙе асыу-ябыу конструкцияларына үҙгәрештәр индерелә, хәүефһеҙлек йоҙаҡтары ҡуйыла. Яңы дәүләт стандарттары сентябрь айынан ғәмәлгә инде. Башҡортостанда ғына уҙған йәй айҙарында асыҡ тәҙрәләрҙән 8 бала йығылып төшөп үлде. Яңы талаптар ошондай осраҡтарҙы иҫкәртеү маҡсатында ҡабул ителгән.
