Ағыуланыу осрағын тәфтиш комитеты тикшерә башланы
Республиканың тәфтиш комитеты Өфөлә иҡтисад лицейы уҡыусыларының ни сәбәпле ағыуланыуын тикшерә башланы.Кисә үҙҙәрен насар тойоп ҡырҡҡа яҡын бала табиптарға мөрәжәғәт иткәйне. Медицина хеҙмәткәрҙәре симптомдар буйынса асыҡлап ағыуланыу тигән һығымта яһаны. Әммә уҡыусыларҙың үҙҙәрен насар тойоуының сәбәптәре әлегә тулыһынса билдәләнмәгән. Хәҙер инде был эшкә ҡулланыусылар хоҡуҡтарын күҙәтеү хеҙмәте белгестәре һәм тфтишселәр ҡушыла.
