Республикала тәүгеләрҙән булып Учалы районы Рафиҡ ауылында модулле фельдшер-акушер пункты асылды.
Уны һатып алыуға һәм күтәреүгә аҡсалар Республика ҡаҙнаһынан бүленде. Үҙәк әҙер модулдарҙан йыйылған. Уға һыу үткәрелгән, канализация бар, электр ярҙамында йылытыу ҡоролмаһы ла ҡуйылған. Фельдшер-акушер пункты заманса йыһазландырылған. Бынан ары Рафиҡ ауылында йәшәүселәр медицина ярҙамы алыу өсөн алыҫ араларға йөрөмәйәсәк. Ошондай модулле үҙәктәр республиканың тағы ла өс районына ҡуйыласаҡ.
