Коррупцияға ҡаршы көрәш алымдары Өфөлә хәл ителә

Торатау Конгресс-холлында Башҡортостан Башлығы Радий Хәбиров финанс-иҡтисади органдарҙың Бөтә Рәсәй коррупцияға ҡаршы форумын асыуҙа ҡатнашты. Өфөлә үткән сараға юғары уҡыу йорттары, федераль һәм төбәк власть органдарының корпоратив һәм банк секторы вәкилдәре – 500-ҙән ашыу делегат саҡырылған. Форумдың көн тәртибенә – дәүләт идараһы, коррупция менән көрәш, министрлыҡ, ведомство һәм ойошмалар эшмәкәрлегенең сифатын яҡшыртыу мәсьәләләре сығарылған. Форумда ҡатнашыусыларҙы Башҡортостан Башлығы Радий Хәбиров сәләмләп, республикала коррупция менән көрәшкә ҙур иғтибар бүленеүен билдәлән.