Тәбиғи әфәт

Көтөлмән көслө дауыл Баймаҡ районы Түбә ауылының Хоҙайбирҙин һәм Йәштәр урамы ситендә урынлашҡан өйҙәрҙе ҡуптара. Ваҡиға урынында беҙҙең ижади төркөм эшләне.Емерелгән ҡыйыҡтар, ҡолаған ҡоймалар... Гөлниса Мозафарова — иң күп зыян күреүсе. Ҡыҫҡа ваҡытлы әфәт уның урамындағы бар йорт-ҡураһын туҙҙыра. Ринат Ғүмәровтың малға әҙерләгән бесәнендә көслө дауыл тирә-яҡҡа осорған. Шулай уҡ уратып алынған ҡойма күҙ-асып йомғансы юҡҡа сыҡҡан. Тәбиғәт күренештәренә ҡаршы тороп булмай. Район һәм ауыл хакимиәте башлыҡтары зыян күреүселәр ярҙамһыҙ ҡалмаясағын белдерҙе. Шулай уҡ теләге булған һәр кем үҙ өлөшөн индерә ала.