Өфө районында “ҡош киҙеүе”нә бәйле карантин иғлан ителде

Республика Башлығының ошо туралағы Указы бар. Авдондағы “башҡорт” ҡошсолоҡ фабрикаһынан 5 километр алыҫлыҡта урынлашҡан бөтә ауылдар хәүефле зонала тип танылған. Авдон, Жуков, Сергеевка һәм Уптинола, шулай уҡ “Гарнизон”, “Дубрава”, “Отдых”, “Солнечный-3” баҡсасылыҡ ширҡәттәрендә йорт ҡоштары тикшерелә. Хәүефле сир сығанағынан 10 километрғаса алыҫлыҡта йәшәүселәр күҙәтеү зонаһында тип танылған. Карантин ваҡытында зпизоотик биләмәлә ҡош һәм инкубация йомортҡаларын һатыу, ситтән индереү йә сығарыу, ҡош аҙығы әҙерләү, йәрминкәләр ойоштороу, ҡырағай ҡоштарға һунар итеү тыйыла