Республикала бер көндә генә янғында өс кеше һәләк булды.
Бар осраҡтарҙа ла янғын ут менән һаҡһыҙ эш итеү сәбәпле сыҡҡан. Республиканың ғәҙәттән тыш хәлдәр идаралығынан хәбәр итеүҙәренсә, йыл башынан сыҡҡан 3 мең янғында 196 кешенең ғүмере өҙөлгән. Әйткәндәй, уларҙың күбеһе тап һаҡһыҙлыҡ сәбәпле яҡты донъя менән хушлашҡан. Шуға ла ғәҙәттән тыш хәлдәр идаралығы янғындарҙы иҫкәртеү йәһәтенән махсус рейдтар үткәрә башланы.
