Башҡортостанда бәлиғ булмағандар өсөн «комендант сәғәте» ҡышҡы ваҡытҡа күсте.
18 йәше тулмаған балаларға төндә ата-әсәһеҙ йәмәғәт урындарында йөрөү тыйыла. Көҙгө-ҡышҡы осорҙа «комендант сәғәте» киске сәғәт 10-дан иртәнге 6-ға тиклем дауам итә. Балалар вокзалға, аэропортҡа барырға, йәмәғәт транспортында йөрөргә тейеш түгел. «Комендант сәғәте» ҡағиҙәләрен боҙған өсөн шелтә биреү йәки административ штраф һалыу ҡаралған. Балалар өсөн «комендант сәғәте» бәлиғ булмағандар араһында енәйәтселекте кәметеүгә йүнәлтелгән.
