Улар өсөн паранормаль беҙҙең өсөн ҡәҙимге күренеш

Ютуб видеохостингының Бөйөк Британиялағы каналында Өфө янында видеотеркәүескә төшөрөлгән роликты күрһәткәндәр. Көнбайыш блогерҙары уны паранормаль тип атаған. Бөйөк Британияла йәшәүселәр йөк машинаһының ҡапыл боролоуын һәм юл уртаһында ҡатын-ҡыҙ барлыҡҡа килеүен телепортация тип баһалаған. Англияның иң абруйлы баҫмаларының береһе Рәсәй ғалимдары йәйәүлене юлға телепортациялаған тип раҫлай. Был роликта иһә бер ниндәй ҙә паранормаль күренеш юҡ, тип хәбәр итә КП. Ру сайты.