Билдәле археолог, тарих фәндәре докторы, профессор Нияз Мәжитовтың арабыҙҙан китеүенә 1 йыл.
Нияз Абдулхаҡ улы 300-гә яҡын фәнни хеҙмәт, 12 монография авторы. Ғилми эшмәкәрлегенең төп йүнәлеше Көньяҡ Уралдағы тимер быуат һәм урта быуат проблемаларын тикшереү менән бәйле. Үткәндәр менән киләсәкте бәйләүсе, бар йәшәйешен халҡыбыҙҙың тарихын, аҫыл ҡомартҡыларын эҙләүгә һәм һаҡлауға бағышлаған Нияз Мәжитовтың атҡарған хеҙмәттәре баһалап бөткөһөҙ. Ул 500-ләгән ғилми хеҙмәт авторы. Тап уның тырышлығы менән 2011 йылда «Боронғо Өфө» республика тарихи-мәҙәни музей-ҡурсаулығы ойошторола.
