Татарстан тамашасыһына популяр һәм премьера спектаклдәре күрһәтеләсәк

Мәжит Ғафури исемендәге Башҡорт дәүләт академия драма театрының Ҡазанда гастролдәре башланды. Театр директоры Иршат Фәйзуллин әйтеүенсә, Татарстан тамашасыһына иң популяр һәм премьера спектаклдәре күрһәтеләсәк. Алты көндә 15 сара — Камал театры сәхнәһендә 11 спектакль, «Минең эсемдә цунами» менән башҡа сәхнәләрҙә сығыш яһау һәм Рәсәй Геройы, генерал Миңлеғәле Шайморатовҡа арналған ижади осрашыу үткәреү ҡарала. Башҡортостандың һәм Татарстандың академия театрҙары араһында дуҫлыҡ күп йылдар дауам итә, яңы быуын артистар ҙа изге йоланы дауам итә.