Башҡортостан Вьетнам менән хеҙмәттәшлекте нығыта. Бөгөн республика башлығы Рөстәм Хәмитов менән осрашыуҙа был ил вәкилдәре ике арала хеҙмәттәшлекте яңы кимәлгә сығарыу тураһында һөйләште.
Тәү сиратта ике ил предприятиелары араһында туранан-тура бәйләнештәр булдырыу кәрәклеге билдәләнде. Вьетнам делегацияһы ошо маҡсатта бер-нисә предприятие эшмәкәрлеге менән яҡындан танышасаҡ. Тиҙҙән Башҡортостан делегацияһының да Вьетнамға яуап сәфәре көтөлә.
