Башҡортостанда тимер юл аша сыға торған ете урынды фото һәм видеотеркәү приборҙары менән йыһазландырыу ҡарала.
Был хаҡта төбәктең Транспорт һәм юл хужалығы буйынса дәүләт комитеты рәйесе урынбаҫары Азат Кәлимуллин белдерҙе.Дәүләт комитетының эшсе төркөмө республикалағы тимер юл аша сыға торған барлыҡ урындарҙы тикшергән. Шуларҙың 44-н фото-видеотеркәү приборҙары менән йыһазландырырға ғарар ителгән. Йыл аҙағына тиклем тағы ла ете урында махсус приборҙар ҡуйыласаҡ. Ошо маҡсатҡа яҡынса 30 миллион һум аҡса талап ителә.
