Ташкентта Башҡорт мәҙәниәте көндәре тамамлана.
Тантаналар барышында Башҡортостан делегацияһы «Үзбәкстан — Рәсәй» берекмәһе ағзалары менән аралашты. Осрашыуҙа артабанғы хеҙмәттәшлек мәсьәләләре һәм «Үзбәкстан — Башҡортостан» дуҫлыҡ ойошмаһын булдырыу мөмкинлектәре тикшерелде. Бынан тыш, республика вәкилдәре Үзбәкстандағы Башҡорт ҡоролтайы Башҡарма комитетының киңәйтелгән ултырышын үткәрҙе һәм урындағы йәштәр менән осрашты. Шулай уҡ улар Ташкенттағы иҫтәлекле урындарға барҙы. Тантана сиктәрендә башҡорт мәҙәниәте фестивале уҙҙы.
