Рәсәйҙә именлек органдары ойошторолоуға 106 йыл тулды

Башҡортостан Башлығы Радий Хәбиров ошо датаға арналған тантаналы сарала ҡатнашты. Төбәк етәксеһе Федераль именлек хеҙмәтенең республика идаралығы хеҙмәткәрҙәрен һәм ветерандарын һөнәри байрам менән ҡотланы һәм дәүләт наградалары тапшырҙы.Федераль именлек хеҙмәте вәкилдәренән юғары һөнәри оҫталыҡ, ныҡлы рухи көс, тоғро эшкә ышаныс талап ителә. Республика властары менән берлектә ведомство белгестәре енәйәттәрҙе кисектереү буйынса грамоталы эш алып бара. “Ватаныбыҙҙың милли мәнфәғәтен, уның бойондороҡһоҙлоғон, биләмәһен һаҡлау, граждандарҙың именлеген тәьмин итеү – төп бурыстарҙың береһе”, — тине ведомство етәксеһе Игорь Кочнев.