Республика делегацияһы эш сәфәре менән Ҡаҙағстанға юлланды

Республика башлығы Радий Хәбиров етәкселегендәге эшлекле төркөм эш сәфәре менән Ҡаҙағстанға юлланды. Башҡортостандың Ҡаҙағстан менән үҙ-ара тауар әйләнеше 3 процентҡа артҡан. Бынан тыш, экспорт күрһәткесе лә юғары. Башҡортостандан Ҡаҙағстанға аҙыҡ-түлек тауарҙары һәм сеймал, минераль һәм машиналар эшләү продукцияһын оҙатыуҙы арттырыу һөҙөмтәһендә ошондай күрһәткестәргә өлгәшелгән. Былтыр Ҡаҙағстан Башҡортостандың тышҡы сауҙа әйләнеше күләме буйынса өсөнсө урынға сыҡҡан.