Ҡаҙағстан президенты Радий Хәбиров менән осрашты

Астанала Ҡаҙағстан президенты Касим-Жомарт Токаев менән Башҡортостан Башлығы Радий Хәбировтың осрашыуы үтте Ҡаҙағстан президенты — Башҡортостан делегацияһы визиты ике дәүләт араһындағы төрлө яҡлап аралашыу даирәләрен киңәйтеүгә өҫтәмә этәргес бирә, тип белдерҙе. Республикалар электән үҙ-ара тығыҙ хеҙмәттәшлек итә. Нефтселәрҙең дәүләт һәм шәхси компаниялары ғәмәли һәм фәнни өлкәләрҙә берҙәм эшләй. Сауҙа әйләнешенең бөгөнгө кимәле юғары, уны артабан үҫтереү мөмкинлектәре бар, тине Касим-Жомарт Токаев. Башҡортостан Башлығы Башҡортостанда Ҡаҙағстан биләмәһендә эшләргә теләк белдергән предприятиелар һаны арта, тип белдерҙе. Бынан тыш туғандаш халыҡ менән гуманитар өлкәлә хеҙмәттәшлек йүнәлештәре билдәләнгән.