Тимер юл вокзалы тирәһендә 25 ҡатлыҡ яңы йорттар ҡалҡып сығасаҡ.
Карл Маркс урамы һәм Ибраһимов бульвары киҫелешендәге тау битләүендә яңы торлаҡ йорттар һалына. Был турала йәмәғәт тыңлауҙары ҡаланың Совет районы хакимиәтендә үтте. Эргә-тирәләге иҫке өйҙәр һүтелә, улар урынына 8 ҡаттан 25 ҡатҡа тиклем бейеклектәге 9 йорт төҙөлә, унда 1 мең ярым фатир буласаҡ. Проектта балалар баҡсаһы, бер мең автомобилгә иҫәпләнгән ер аҫты гаражы, башҡа инфраструктура ҡаралған. Төҙөлөштө башлау ваҡыты әлегә билдәһеҙ.
