Башҡортостанда Рәсәй Президентын һайлауға етди әҙерлек бара

17 февралдән 7 мартҡа тиклем Башҡортостандың участка һайлау комиссиялары ағзалары һәр йорт-фатир буйлап йөрөп һайлаусыларҙы Рәсәй Президентын һайлау тураһында мәғлүмәт менән таныштырасаҡ. Был сарала участка һайлау комиссияларының 11 меңдән ашыу ағзаһы ҡатнашасаҡ, улар тауыш биреү тураһында бөтә мәғлүмәт менән таныштырасаҡ, республика халҡының һорауҙарына яуап бирәсәк. Рәсәй Президентын һайлауға әҙерлек ғәҙәти режимда бара. Республикала 3 мең 308 участка һайлау комиссияһы ойошторолған. Бәләбәй, Өфө, Стәрлетамаҡ ҡалалаларында күреү һәләте насар булған кешеләр өсөн 5 участка һайлау комиссияһы эшләйәсәк.