Башҡортостанда юлдарҙа водителдәргә ашау һәм йылыныу өсөн мобиль пункттар ҡуйылды.
Улар федераль янғын һүндереү хеҙмәтенең 28 отряды һәм Белорет буйынса авария-ҡотҡарыу хеҙмәте нигеҙендә булдырылды. Ҡара һыуыҡ көндәрҙә һәр кемдең күсмә пунктта ҡапҡылап һәм йылынып алырға мөмкинлеге бар. Былтыр Ырымбур өлкәһендә көслө буранда юлға сығыусылар зыян күргәйне. Башҡортостандағы мобиль пункттар өҙлөкһөҙ өс көн эшләй ала.
