Республика башлығы трансплантология һәм яһалма органдар үҙәге менән танышты

Республика башлығы Мәскәүҙә Шумаков исемендәге трансплантология һәм яһалма органдар үҙәге эшмәкәрлеге менән танышты. Радий Хәбиров үҙәк етәкселеге менән осрашты һәм ойошманың баш табибы Сергей Готье менән Башҡортостанда ошо йүнәлеште үҫтереү тураһында һөйләште. Башҡортостан табиптары үҙәктә белемен даими камиллаштыра. Радий Хәбиров үҙәктә яҡташтарын да осратты. Улар сығышы менән Ишембай районы Сәлих ауылынан.