Росгвардия ғәскәрҙәренә 18 яңы Урал “Витязь” автомобиле

Башҡортостан башлығы Росгвардия ғәскәрҙәренә 18 яңы Урал “Витязь” автомобилдәрен тапшырҙы. Был техника махсус хәрби операция биләмәһендә ведомствоның шәхси составы алдына ҡуйылған бурыстарҙы үтәргә ярҙам итәсәк. Яңы машиналарға сертификатты тапшырыу тантанаһы Радий Хәбировтың Рәсәй милли гвардияһы ғәскәрҙәре федераль хеҙмәте директоры Виктор Золотов менән осрашыу сиктәрендә үтте. Унда республика менән хеҙмәттәшлек, махсус хәрби операция биләмәһендә Росгвардия бүлексәләренә ярҙам итеү мәсьәләләре тикшерелде. Виктор Золотов Росгвардияның матди-техник базаһын нығытыуға ҙур өлөш индергәне өсөн Башҡортостан етәкселегенә һәм республика халҡына рәхмәт белдерҙе.