“ТЭФИ-төбәк” конкурсының баһалама ағзалары финалистар менән осрашып бәйгегә йомғаҡ яһаны.
Тәү сиратта, ҡатнашыусылар үҙҙәренең эштәренә ҡарата тәжрибәле белгестәрҙең фекерҙәрен белеште. Еңеүселәр ни өсөн бронза Орфейға лайыҡ, ә еңелеүселәр ниндәй етешһеҙлектәр булғанын ишетергә теләне. Жюри ағзалары, финалға үткән бөтә эштәрҙе лә юғары баһалай. Бигерәк тә, көнүҙәк социаль проблемаларҙы күтәреп сыҡҡан махсус репортаждарҙың быйыл күп булыуы ҡыуаныслы хәл, ти “ТЭФИ-төбәк” 2016 конкурсының баһалама ағзаһы Александр Любимов.
