Республикала аномаль эҫе көндәр тора

Әлбиттә, был апрель өсөн хас түгел. Бөгөн урыны менән ҡыҫҡа ваҡытлы ямғыр яуыуы ихтимал. һауа температураһы төндә 10-15, көндөҙ 24-29 градус эҫе буласаҡ. Иртәгәнән яйлап ҡына һауа температураһы төшәсәк. Иҫегеҙгә төшөрәбеҙ, Башҡортостанда тәбиғәт янғындарын, шулай уҡ янғын сығыу хәүефен кәметеү өсөн 27 апрелдән янғынға ҡаршы махсус режим индерелә. Усаҡ яғыу, ҡоро үлән, сүп-сар үртәү тыйыла, граждандарҙың урмандарға барыуы сикләнә.