Өфө Ботаник – баҡса институтында тюльпандар ваҡытынан алда сәскә атҡан

Ләләләр ғәҙәттә 9 майҙа ғына сәскә ата, ти белгестәр. Ә күп йыллыҡ бүлмә гөлдәре — гиппеаструмдар, быйыл киреһенсә, һуңыраҡ сәскә ата. Бының сәбәптәрен беҙҙең хәбәрселәр барып белде, тулыраҡ мәғлүмәт киләһе сюжетта. Ике реконструкция кисергән ботаника баҡсаһы хәҙер 26 гектар майҙанды биләй. Һуғыш йылдарында бында баҡса культуралары — ҡыяр, помидорҙар үҫтереп яу яланына оҙатҡандар. Хәҙер иһә, оранжереяға һиллеккә сумырға, хуш еҫле сәскәләр еҫенә кинәнергә, ҡоштар йырын тыңларға балалар, өлкәндәр, ауырлы ҡатындар йыш килә.Бында донъяның 5 ҡитғаһынан йыйылған тропик һәм субтропиктан үҫемлектәрҙең 1 мең 300 төрө бар. Ләлә сәскәләренең генә 70 төрө иҫәпләнә.Өфөнөң Ботаника – баҡса институтындағы ләләләр быйыл ғәҙәттәгенән ике аҙнаға алдараҡ сәскә атһа, күп йыллыҡ бүлмә гөлдәре – гиппеаструмдар киреһенсә – һуңға ҡалған.Йөкмәткеһе һәм ғилми эштәре, коллекция фонды буйынса Рәсәйҙә иң көслө биш ботаник институтындағы баҡсаны сакура ла үҙ иткән.Быйыл Өфө ботаник-баҡса институты хеҙмәткәрҙәрен ИмПЕРАТОР СЕЛЕ лә хайран ҡалдыра –бер юлы өс рәт итеп сәскә ата. Нәфис гөлдөң тыуған ере –Иран. Унда был сәскәнең тарихы дин, мифология һәм фольклор менән бәйле.