Синоптиктар бөгөн дә Башҡортостанда һауа торошоноң тотороҡһоҙ буласағын фаразлай.
Республиканың гидрометеорология һәм тирә-яҡ мөхит мониторингы идаралығы мәғлүмәттәре буйынса, ҡар яуыуы, буран сығыуы, юлдарға көрт һалыуы көтөлә. Кисәге буран сәбәпле Башҡортостан юлдарында автомобиль хәрәкәте туҡтаны, тиергә мөмкин. Юлдарҙа йөҙләгән авария теркәлде. Юл хәрәкәте инспекторҙары мохтажлыҡ булмаһа бөгөн дә алыҫ юлға сыҡмаҫҡа кәңәш итә.
