Өфөлә илдең төп ҡыш бабайы булып китте.
Ул Өфөлә балалар социаль приюты тәрбиәләнеүселәренә һәм ҡаланың реабилитация үҙәгенә туҡталды. Артабан Рәсәй ҡыш бабайы “Ватан” этно паркында башҡорт ҡар бабайы менән осрашып бергәләп үҙәк майҙандағы төп шыршы уттарын ҡабыҙҙы. Шулай уҡ майҙанда башҡорт ҡыш бабайының тирмәһе лә эшләй башланы. Быйыл балалар Ҡыш бабайҙан металл эҙләүсе ҡорамал, планшет, смартфон, йәнһүрәттәрҙәге уйынсыҡтарҙы бүләк итеүҙе һорай икән.
