Өфөлә Евразия цифрлы технологиялар үҙәге асылды

Өфө фән һәм технологиялар университетында Евразия цифрлы технологиялар үҙәге үҙ ишектәрен асты. Башҡортостанда компьютер уйындары өлкәһендә компетенцияларҙы берләштергән технологик кластер булдырыу, юғары кимәлдәге Ай-ти белгестәр өсөн уңайлы шарттар булдытыу-был үҙәктең төп маҡсаты булып тора. Евразия цифрлы технологиялар үҙәгендә быйыл йәй 40-тан ашыу эш урыны булдырыласаҡ. Хеҙмәткәрҙәрҙең уртаса йәше 35-тән артмай.Был үҙәктә ғилми тикшеренеүҙәргә лә, мәғлүмәт технологиялары сиктәрендә ижади эш алып барыу өсөн дә бөтә шарттар тыуҙырылған. Бында Ай-ти һәм фәндең башҡа өлкәләрендәге белгестәрҙең берлектәге эше һөҙөмтәһендә заман технологияларының тиҙ үҫеүе күҙаллана.