Быйыл ҡар күп яуыу сәбәпле яҙғы ташҡындың көслө булыуы көтөлә.
Башҡортостанда ташҡынға бөгөндән үк етди әҙерлек бара. Тиҙҙән ҡар ҡатламында һыу кимәлен билдәләү маҡсатында авиация ярҙамында гамма-төшөрөү башлана. Был ысул донъяның үҫешкән илдәрендә киң ҡулланыла. Әлегә Башҡортостан Рәсәйҙә яҙғы ташҡынды күҙаллауҙа ошо алымды ҡулланған берҙән-бер төбәк. Эштәр республика ҡаҙнаһынан финанслана.
