Тәгәрмәстәрҙе ҡышҡыларына алмаштырырға ваҡыт етте

Республиканың Дәүләт автомобиль инспекцияһы йәйге тәгәрмәстәрҙе ҡышҡыларына алмаштырырға тәҡдим итә. Төндәрен республикала һауа температураһы нолдән түбән төшә. Шуға ла иртәләрен аварияға тарыу осраҡтары бермә-бер арта. Иҫегеҙгә төшөрәбеҙ, ҡышҡы айҙарҙа йәйге тәгәрмәстәрҙә йөрөү федераль закон менән тыйылған. Оҫта водителдәр хәҙерҙән үк машинала йөрөү стилен үҙгәртергә, ҡапыл туҡтамаҫҡа, бер рәттән икенсеһенә ҡапыл күсмәҫкә кәңәш итә.