Башҡортостанда махсус хәрби операция ветерандары һәүәҫкәр һәм профессиональ спортҡа йәлеп ителә. Яугирҙар араһындағы иң популяр спорт төрө – волейбол. Тиҙҙән республика командаһы Сочи ҡалаһындағы ярышта ҡатнашасаҡ.
Волейбол Уйыны Тимур Лоҡманов өсөн ғәҙәти. Был спорт төрө менән ул бала сағынан уҡ шөғөлләнә башлай. Спортсының еңеүҙәре лә байтаҡ.
Бер нисә йыл элек Тимур Лоҡманов волейбол командаһының капитаны буласағы тураһында уйламаған да. 18 йәшендә егет Оборона министрлығы менән контракт төҙөй. Махсус хәрби операция башланғандан уҡ ул яу яланында. Ауыр яра алған һалдатты иптәштәре ҡотҡарып алып ҡала.
Тап яҡындарының ярҙамы яугирҙәргә ауыр яраларҙан һуң яңынан йәшәргә көс бирә. Ә спорт ихтярлыларҙы ярата, уларҙы тағы ла нығыта, — ти команда тренеры Игорь Сюсин.
Әле республикала махсус хәрби операция ветерандарын реабилитациялауға һәм тыныс тормошҡа ҡайтыуға ҙур иғтибар бүленә. Башҡортостандағы сәфәрендә Владимир Путин "беҙҙең заман Геройҙары" ярышында ҡатнашыусылар менән осрашты. Яугирҙәр Рәсәй Президентына махсус операция ветерандарына ярҙам күрһәткәндәре һәм иғтибары өсөн рәхмәт белдерҙе.
Башҡортостанда һаулыҡ мөмкинлектәре сикләнгән кешеләр өсөн биш меңдән ашыу спорт объекты бар. Өфөлә республика адаптив спорт Үҙәге базаһында махсус хәрби операция ветерандары өсөн бүлек эшләй.
Быйылғы йылдан Башҡортостанда саңғы уҙыштарын, биатлонды һәм сноубордта шыуыуҙы үҫтереү күҙаллана. Әле республикала үҙешмәкәр һәм профессиональ спорт менән 400-ҙән ашыу кеше шөғөлләнә.
