Өфөлә математика лицей-интернаты төҙөүгә федераль бюджеттан 2,4 миллиард һум аҡса бүленә

Был турала Радий Хәбиров социаль селтәрҙәге сәхифәһендә яҙа.Шулай уҡ республика яңы мәктәптәр һәм балалар баҡсалары төҙөлөшөнә лә федераль ярҙам аласаҡ. Радий Хәбиров алдағы 3 йылда Президент программаһы буйынса 88 белем усағында капиталь ремонт башҡарыласағы хаҡында ла хәбәр итте. Был маҡсатҡа 7 миллиард һум бүленә. “Программа һәм уны балалар баҡсалары, урта профессиональ белем биреү өлкәһенә киңәйтергә ҡарар итеүе өсөн Владимир Путинға рәхмәт белдерәбеҙ” тиелә яҙмала. Федераль проект сиктәрендә республикала 3 йылда 146 мәктәп бинаһы ремонтланған.