Рәсәй хөкүмәте Премьер-министры урынбаҫары Марат Хөснуллин Башҡортостанда шәхси йорттар төҙөлөшөн юғары баһаланы

Өй һалырға теләүселәргә ярҙам итергә кәрәк, тип билдәләне ул. Ил Хөкүмәте Рәйесе урынбаҫары был йәһәттән Башҡортостанды миҫалға килтерҙе. Был турала ул «Йәшәү өсөн инфраструктура» яңы милли проекты буйынса Федерация Советында үткән «Хөкүмәт сәғәте»ндә белдерҙе. Марат Хөснуллин шәхси секторҙа йәшәргә теләгән кешеләргә кәрәкле инфраструктура булдырыу мөһим тине.