Өфөлә Рәсәй-Ҡаҙағстан төбәк-ара хеҙмәттәшлек форумы дауам итә

Бөгөн төп саралар үтә. Төбәктәр араһында һәм эре компаниялар менән үҙ-ара килешеүҙәр имзалана, хеҙмәттәшлек ниәттәре нығытыла. Башҡортостан өсөн төп сит ил партнерҙарының береһе булып торған Ҡаҙағстан менән тауар әйләнешен арттырыуға яҡшы нигеҙ буласаҡ ти белгестәр. Бөгөн Рәсәй президенты Владимир Путин дәүләт сәфәре менән Ҡаҙағстанға килә. Ил башлыҡтары видеоконференция тәртибендә Рәсәй-Ҡаҙағстан төбәк-ара хеҙмәттәшлек форумының пленар ултырышында ҡатнаша.