Өфөлә мөмкинлектәре сикләнгән граждандар өсөн махсус социаль такси барлыҡҡа килде

Был турала Башҡортостандың Хеҙмәт, ғаилә һәм халыҡты социаль яҡлау министрлығынан хәбәр итәләр. Яңы агрегатор менән инвалидтар файҙалана ала. Машинаға сәфәргә сығырҙан 3 көн алда заказ бирергә тура киләсәк, ә хеҙмәттәр менән айына 4 тапҡыр файҙаланырға мөмкин. Юлда паспорт һәм инвалидлыҡты раҫлаған документ күрһәтергә кәрәк.