Бөгөн Башҡортостан Конституцияһы көнө

Республиканың төп законы 1993 йылдың 24 декабрендә ҡабул ителде. Документ менән бергә демократик институттар – Дәүләт Йыйылышы-Ҡоролтай, Президентлыҡ институты барлыҡҡа килде. Шулай уҡ күп партиялылыҡ, ирекле һайлауҙар төшөнсәһе нығытылды, Конституция суды, кеше хоҡуҡтары буйынса вәкиллектәр ойошторолдо. Һуңғы йылдарҙа Башҡортостан Конституцияһына үҙгәрештәр индерелеп, ул Федераль закондарға яраҡлаштырылды.