«Мостай» фильмын төшөрөүселәр РФ Хөкүмәтенең премияһы менән бүләкләнде

«Мостай» фильмын төшөрөүселәр Рәсәй Хөкүмәтенең мәҙәниәт өлкәһендәге премияһы менән бүләкләнде. Башҡорт әҙәбиәте классигы Мостай Кәримгә арналған документаль таҫмала әҙиптең шиғырҙары, көндәлектәре һәм сәсмә әҫәрҙәренән өҙөктәр, замандаштарының хәтирәләре яңғырай. Фильмға ул саҡта йәш хәбәрсе Азамат Сәлиховтың «Өфө буйлап сәйәхәт» рубрикаһы өсөн төшөргән кадрҙары ла ингән. Халыҡ шағирының 100 йыллығына төшөрөлгән "Мостай" фильмының премьераһы Мәскәүҙә Дәүләт Академия Кесе театрында үтте. Ә бына яҙыусының бер быуатлыҡ юбилейында уны Өфө, шулай уҡ «Рәсәй» телеканалында күрһәттеләр. Ижади коллектив- продюсеры, « Мостай Кәрим » фондын ойоштороусы Тимербулат Кәримов, фильмдың генераль продюсеры Саида Медведева һәм ҡуйыусы режиссер Александр Смирнов Хөкүмәт премияһына лайыҡ булды.