Республика башлығы Рәсәй-Ҡытай индустриаль паркының башҡарма етәксеһе менән осрашты

Унда Ҡытай халыҡ республикаһы менән хеҙмәттәшлектең төрлө яҡтары тикшерелде. Радий Хәбиров Ҡытай менән мөнәсәбәттәрҙең мөһимлеген билдәләп уны төбәктең иң төп иҡтисади партнерҙарының береһе тип атаны. Үҙ сиратында, Хао Ля-Ню Ань ханым Ҡытай индустриаль паркында Рәсәйҙең төрлө төбәктәрендә етештерелгән тауарҙарҙан павильон эшләү тураһындағы пландары менән бүлеште. Осрашыуҙа шулай уҡ сик буйында сауҙа итеү өсөн “Өфө” транспорт-агрологистик һәм Ляо-Чжун индустриаль парктары резиденттарын берләштергән халыҡ-ара платформаның эш башлауы хаҡында ла етди һөйләшеү булды. Хао Ля-Ню Ань ханым Башҡортостан вәкилдәрен майҙа Шень-Чженға сауҙа-иҡтисади хеҙмәттәшлек буйынса Рәсәй-Ҡытай конференцияһына саҡырҙы.