30 мартта мосолмандар Рамаҙан айы тамамланыуын билдәләй

Өфөлә байрам 23 мәсеттә иртәнге сәғәт 8-ҙә намаҙҙан башлана. Шуға ла таңғы 6-нан көндөҙгө 3-кә тиклем Туҡай урамында һәм Комаров урамында – «Ләлә-Тюльпан» мәсете янында ситке уң һыҙатта хәрәкәт сикләнә. Майҙансыҡтарҙа хәүефһеҙлекте тәьмин итеү өсөн полиция, йәмәғәт именлеге үҙәге хеҙмәткәрҙәренең һәм табиптарҙың дежур итеүе ойошторола. Ураҙа ғәйетен Башҡортостан 24 телеканалы тура эфирҙа күрһәтәсәк.