Мәлһеҙ яуған ҡар арҡаһында сәсеүлектәр әрәм булмаҫмы?

Яҙғы ҡыр эштәрен башлап өлгөргән аграрийҙар өсөн был бөгөн көнүҙәк һорау.Ауыл хужалығы министрлығынан белдереүҙәренсә, апрель ҡары зыян итмәйәсәк, хатта файҙа буласаҡ. Сөнки был ерҙе өҫтәмә дымлау мөмкинлеген бирә. Әле 30-лаған районда ужым баҫыуҙарын туҡландырыу эштәрен башлағандар. Синоптиктар быйылғы йәйҙең аномаль эҫе булыуын фаразлай. Ә иҡтисадсылар сәсеү кампанияһы былтырғынан 25 процентҡа ҡиммәтерәккә төшәсәк, тип иҫәпләп сығарған.