Башҡортостандың 22 районы яҙғы культураларҙы сәсеүгә төштө

Был турала республика етәксеһе Радий Хәбиров үҙенең телеграм-каналында хәбәр итте. Баҫыуҙарҙа тәүге эштәр март аҙағында башланһа ла, һауа торошо үҙ төҙәтмәләрен индерҙе. Яҡшы уңышҡа өмөтләнәбеҙ, тигән ышаныс белдергән Радий Хәбиров. Әлегә Башҡортостан аграрийҙары яҡынса 23 мең гектарҙа ауыл хужалығы культураларын сәскән. Республика етәксеһе ауыл хужалығы эшсәндәренә уңыштар теләгән.