Башҡортостанда 30 градусҡа тиклем йылыта

Яуым-төшөм көтөлмәй. Синоптиктар быйылғы йәй ғәҙәттәгенән эҫерәк буласаҡ тип фаразлай. Алдағы 3 айҙа уртаса һауа температураһы норманан 2-3 градусҡа юғары буласаҡ. Шул уҡ ваҡытта ҡойон, йәшендәр һәм боҙборсаҡ кеүек ғәҙәттән тыш хәлдәрҙең дә күп булыуы ихтимал. Быны белгестәр глобаль йылыныу менән аңлата. Һауа торошо сервистарының береһе быйылғы йәйҙә ғәҙәттәгенән эҫерәк буласаҡ ҡалалар исемлеген төҙөгән. Унда Өфө лә ингән.